(UPDATE) Anum ka bulan nga lapsag nga ginbilin sang iya iloy sa Molo, ginkustodiya na sang DSWD

Iloilo City–Gin-custody na sang City Social Welfare and Development Office (CSWDO) ang anum ka bulan nga lapsag nga babaye nga ginbilin sang iya iloy sa abandonado nga balay sa San Juan, Molo kagab-i, Nobyembre 3.

Suno kay Carmela Trabasas, Social Worker Officer 1 sang CSWDO-Molo District, ginatinguhaan nila nga ma-locate ang iloy sang lapsag, istoryahon kag i-assess kon may ikasangkol pa ini nga magsagod sang bata.

Ginpa-check up sa Western Visayas Medical Center ang lapsag kag ginbaklan sang bulong matapos natukiban nga may infection sa dulunggan.

Nakita ni anay Barangay Kagawad Steve Requillo ang lapsag nga may suksok nga panapton kag diaper kag may tupad nga biberon kag tubig. (AGB)