Mag-utod nga babaye kag lalaki, patay sang nalumos sa San Joaquin
San Joaquin, Iloilo – Wala nakaluwas ang mag-utod nga babaye, 8 ka tuig, kag lalaki, 5 ka tuig, sang nalumos samtang nagapaligo sa Barangay Siwaragan malapit sa boundary sang Barangay Bucaya kaina sang aga, Nobyembre 3.
Suno kay Bucaya Punong Barangay Ernesto Eli Canal, naligo ang apat ka mag-utod mga alas-6 sang aga sang nalumos ang duha.
Una nga nakita ang babaye alas-10:30 sang aga nga gindala pa sa ospital pero gindeklarar nga dead-on-arrival.
Nakita naman ang bata nga lalaki sa Barangay Tiolas.
Gin-ako sang punong barangay nga masami nga may nagakalumos sa amo nga area bangud sa mabaskug nga current sang tubig. (JoMaque)