1 patay, 2 pilason sa pagbunggu-anay sang motorsiklo kag van sa Anilao
Barangay San Carlos, Anilao – Isa patay kag duha ang pilason sa pagbungguanay sang motorsiklo kag passenger van kahapon, Nobyembre 4.
Dead-on-arrival sa ospital ang driver sang motosiklo nga si Swedie Alibio, 29-anyos sang Poblacion Barotac Viejo nga napilasan sa ulo.
Pilason naman ang driver sang van nga si Moises Basia sang Panian, Balasan kag isa ka pasahero nga menor-de-edad.
Nakaguwa na sa ospital ang duha pero ginkustodiya si Basia sang Anilao Police kag natalana kasuhan. (JoMaque)