Pamilya sang dalaga nga nagreklamo ginlugos sa sulod sang patyo sa Oton sang fiesta minatay, wala sang plano nga magpa-areglo sa kaso nga ipasaka batuk sa mga suspetsado

Oton, Iloilo — Nanindugan ang iloy sang 18 anyos nga babaye nga nagreklamo ginlugos sang duha ka lalaki sa sulod sang patyo nga indi magpa-areglo sa kaso.

Kasunod ini sang naguwa nga impormasyon nga ginpahayag luyag manguwarta sang tagreklamo bisan pa nagkadtu sa ila ang utod sang isa sa mga suspek kag nagtuyo nga mag-areglo.

Suno sa iloy ni alyas Luningning, indi sila interesado sa kuwarta bangud desidido siya nga mahatagan sang hustisya ang natabu sa iya bata.

Masakit para sa iya ang ginhimo nga kabastusan sa iya bata base man sa kay Luningning.  Ginsugid sang tagreklamo nga ginpilit siya nanday alyas Boy, 26 anyos kag alyas George, 30, nga mag-inum apang nagbalibad siya bangud nga naga-inom inom man siya sa ila balay.  May nakasugid sa iloy nga temprano pa lang suno sa iya, gina-tripingan na sang mga suspek si Luningning.

Antes natabu ang insidente, naglisensya si Luningning nga mabakal sang sigarilyo pero ginpahayag napilitan ini nga mag-upod inum sa mga suspek tubtub nga natabu ang ginpahayag paghimulos sa tagreklamo. (JoMaque)