Kampanaryo sa simbahan sang Tubungan, na-damage sa linog
Tubungan — Ginkunfirmar ni Tubungan Mayor Vicente Gargaritano Jr nga na-damage ang porsyon sang kampanaryo sa Tubungan Parish Church.
Suno sa alkalde, nakakas ang false column (design nga konkreto) sa ikatatlo nga panalgan sang kampanaryo kasunod sang linog kahapon sang aga.
Base sa inisyal nga impormasyon, wala sang damage ang structure sang simbahan kasubong sang mga beam apang subject pa ini sa assessment sang Municipal Engineer’s Office.
Wala sang napilasan kasunod sang insidente. Ginkordon naman ang lugar agud malikawan ang insidente suno kay Mayor Gargaritano.
1970’s sang gintukod ang simbahan apang sang 1990’s naman ang kampanaryo. (JoMaque)