Porsyon sang Iloilo Hall of Justice, naglitik sa asod-asod nga linog kahapon
Iloilo City–Naglitik ang porsyon sang Iloilo Hall of Justice kasunod sang asod-asod nga mga linog kahapon, Nobyembre 5.
Suno kay IHJ Building Administrator Engr. Manuel Autajay, naglitik ang porsyon sang dingding sa 2nd floor kag sa Branch 5 sa Annex Building, lunsay ginabanta tatlo tubob apat ka tapak.
Dugang diri, nadugangan man ang mga litik sa hagdanan pakadto sa 2nd floor kag sa comfort room sang Administration Building.
Sa pihak sini, nagpasalig si Engr. Autajay nga wala sang dapat kabalak-an bangud wala sang damage ang beams kag columns sang building.
Matandaan, gin-retrofit ang Iloilo Hall of Justice sang 2012 kasunod man sang linog. (AGB/ATT)