Resolution ni Councilor Armand Parcon nga nagahingyo kay Mayor Joe Espinosa nga i-reallocate ang 85 million pesos sa pagpakay-o sang mga merkado sa syudad, gin-aprubahan sang City Council

Iloilo City–Gin-aprubahan sa session sang City Council ang resolution ni Councilor Armand Parcon agud i-reallocate ang Supplemental Budget Number 3 ni Mayor Joe Espinosa.

Imbes gamiton sa plano sang alkalde nga pagpatindog sang sports arena, ginahingyo sa resolution nga ibutang ang 85 million pesos sa pagkay-o  sang mga merkado publiko sa syudad.

Na-identify na sa imbestigasyon sang Committee of the Whole kon ano ang mga problema kag may rekomedasyon naman si Parcon kon paano ang mga ini makay-o.

Redevelopment plan

Nagapang-alang-alang naman ang Association of Stall Owners and Transient Vendors ukon ASTRAVEN sa Central Market sa plano sang syudad nga redevelopment plan sa nasambit nga merkado.

Suno kay ASTRAVEN Central Market President Rex Donasco, mas ginhatagan prayoridad sa plano ang pagtukod sang park kag building nga may helipad imbes nga buligan ang mga transient vendors.

Nagakabalaka man suno sa iya ang mga vendors kon diin sila mabaligya samtang gina-obra ang bag-o ngha merkado nga posible magalawig sang tatlo ka tuig. Nagapanawagan si Donasco nga unahon kay-o ang drainage system sa central market. (AGB)