Pres. Rodrigo Duterte, mapadulong sa Boracay agud manghatag sang CLOA sa mga IPs

Boracay Island – Maabot sa Boracay si Presidente Rodrigo Duterte agud manghatag sang Certificates of Land Ownership Award (CLOA) sa mga indigenous people subong nga adlaw, Nobyembre 8.

Suno kay Mr. Allan Palma, station manager sang Yes FM Boracay, base sa iya nabaton nga impormasyon, posible maabot ang presidente karon sa hapon.

Una na ginpahayag ni DAR Secretary John Castriciones nga ang mga tumandok ang maga-okupar sa ipanaghatag nga duta.

Ginabanta sa 3.1 hectares sang duta ang i-distribute sa Barangay Manoc-Manoc.

Ang tikang, kabahin sang nauna na nga statement sang presidente nga luyag niya ipa-idalum sa land reform ang sikat nga isla. (JoMaque)