Mga transport groups sa syudad, wala pa makonsulta sang syudad sa plano nga multi-million Advance Transportation Management System

Iloilo City–Wala pa nakonsulta sang Public Safety and Transportation Management Office ang mga transport groups sa syudad sa ginaduso nga multi-million Advance Transportation Management System.

Suno kay Iloilo City Alliance of Jeepney Owners and Drivers Association (ICLAJODA) President Raymundo Parcon, importante ang ila nga papel sa pagdihon sang amo nga programa bangud sila ang nakihibalo kun ano ang sitwasyon kag mga problema sa karsada.

Sa pihak sini, ginpahayag ni Parcon nga pabor sila sa ginaduso nga programa sang city government bangud mapa-ayo sini ang traffic flow sa syudad.

Ginpahayag man ni Association of Taxi Operators in Panay (ATOP) President Perfecto Yap nga wala man siya sang idea natuhoy sa amo nga programa sang city government.

‘80% NA NGA NAHUMAN’

Una na ginpahayag ni PSTMO Head Jeck Conlu nga 80% na nga nahuman ang plano sang ATMS sa bulig man sang University of the Philippines.

Base sa pagbanta ni Conlu, P350-Million tubtob P400-Million ang kinahanglan nga budget sa Phase 1 sang proyekto. Ginpahayag tubtob sa Phase 4 ang ATMS;

Phase 1 – City Proper
Phase2 – Mandurriao kag Jaro
Phase 3 – Molo kag Arevalo
Phase 4 – Lapaz

Wala pa natul-id ang kabugusan sang plano kag ang pondo nga kinahanglanon sa implementasyon sang proyekto. (AGB/ATT)