PECO WALA NAGTAMBONG SA MEETING SANG TECHNICAL WORKING GROUP SA PAGSIGURO SANG SMOOTH TRANSITION SANG POWER DISTRIBUTION SA SYUDAD SANG ILOILO

Gin-isnab sang Panay Electric Company ang meeting sang technical working group nga gintukod sang Senate Committee on Public Services matapos gin-aprubahan ‘in principle’ ang franchise sang MORE Electric and Power Corporation agud mangin bag-o nga power distributor sa Iloilo City.

Suno kay Councilor Joshua Alim nga gin-imbitar ni Poe sa TWG upod kay Councilor Plaridel Nava, wala nakapahibalo ang PECO kon ngaa wala sila sang representante nga ginpadala sa meeting kahapon.

Posible may mga istratehiya suno kay Alim ang PECO matapos nga wala naghulag sa Kongreso ang ila application kag ang application sang MORE ang gin-endorso sa Senado.

Pero gin-athag ni Alim nga indi maka-operate ang PECO kon wala sila sang franchise bangud maga-expire ang ila gina-uyatan nga extension sa Enero, 2019.

Bisan wala ang PECO, nadayon ang meeting sang TWG agud ma-istoryahan ang smooth transition sa pag-operate sang bag-o nga power distributor.