Ginbanta 10 ka drug groups, naga-operate sa Western Visayas suno sa PDEA 6

Iloilo City — Ginbanta sa 10 ka drug groups ang na-monitor sang Philippine Drug Enforcement Agency (PDEA 6)  ang naga-operate sa rehiyon.

Ini ang ginkumpirmar ni PDEA 6 Director Emerson Margate kasunod sang pasalig nga nagapadayon ang kampanya kontra illegal nga druga sang ahensya.

Suno kay Margate, lunsay magagmay nga drug personalities ang gusto nga mangin leader sang nasambit nga mga drug groups matapos napatay sanday the late PDEA-identified drug group leaders Melvin Odicta kag Richard Prevendido.

Naga-operate suno sa iya sa pila ka banwa kag indi na bag-o bangud naangut man ang nasambit nga mga grupo sa kilala nga drug personality sa rehiyon.

Gin-athag ni Margate nga indi ka-level nanday Odicta kag Prevendido ang gina-monitor nga mga drug group leaders nga na-subject na sa operation sang ahensya. (JoMaque)