Kapitan sa isa ka barangay sa Capiz, preso sang ginserbehan sang search warrant

Capiz–Preso si Punong Barangay Pancho Orario sang Barangay Lonoy, Sapian sang ginserbehan sang search warrant sa iya balay kahapon, Nobyembre 9.

Suno kay PO3 Glen Bacaro sang Sapian Police Station, nakuha sa balay sang kapitan ang magazine sang 12 gauge shotgun, .22 caliber revolver kag mga bala nga iya boluntaryo nga ginsungka.

Lunsay wala sang lisensiya ang na-recover suno sa mga pulis.

Ginserbe ang search warrant sang gintingub nga pwersa sang Criminal Investigation and Detection Group, Capiz kag Aklan kag Sapian Police.

Napasakaan nga sang kaso ang kapitan. (AGB)