Lalaki, patay na sang nasapwan sa Janiuay

Janiuay, Iloilo — Patay na sang nasapwan ang 28-anyos nga lalaki sa Barangay Yabon kahapon, Nobyembre 9.

Nasapwan sa kilid sang suba si Nicolas Aldaba sang Barangay Barasalon sang mga pumuluyo nga may pilas sa ulo kag leog.

Suno kay PO3 Jessie Caro, imbestigador sang Janiuay Police Station, nag-lisensiya sa iya pamilya si Aldaba nga mag-upod pamalayi sa iya pakaisa antes nasapwan patay ang biktima. May duha ka suspek na ang Janiuay Police sa pagpatay sa biktima. (JoMaque)