Hepe sang Alimodian Police Station, nanginwala nga babaye ang rason sang pagtiro sang barangay kagawad sa iya pulis

Alimodian, Iloilo — Ginpanghiwala ni Inspector Danilo Noca, hepe sang Alimodian Police Station nga babaye ang rason sa pagtiro ni Piandaan Norte, Alimodian barangay kagawad Ritchel Misare kay PO3 Jonathan Guzman, assigned sa Alimodian sang Nobyembre 9.

Nakita ni Guzman suno kay Noca ang pagtiro sa iya sang kagawad.

Gin-alegar sang kampo ni Misare nga may relasyon sadtu ang kagawad kay alyas grace nga ginatudlo naman nga informant ni PO3 Guzman. Suno kay Noca, madugay na nila gina-surveillance si Misaare kag madamu sang reklamo batuk sa iya nga may dala nga pusil kag nagapalupok.

Base sa mga reklamo, batasan na sang barangay kagawad nga kontrahon ang mga tawo nga bag-o lang sa ila barangay. Posible ini ang rason sa pagtiro niya kay Guzman.

Bag-o lang suno sa iya nagkilalahay ang duha bangud sang nagligad lang nga semana gin-assign sa Alimodian si Guzman. Si Misare ang natiruhan patay sang pulis nga naghimo sang hot pursuit operation. (JoMaque)