Retirado nga suldado, patay sa aksidente sa Banate
Iloilo — Patay ang retirado nga soldado sang naaksidente sa iya ginamaneho nga motorsiklo sa Barangay Carmelo, Banate pasado alas-10 kagab-i (Nobyembre 10).
Ginkilala ang napatay kay Rey Peña, 57, nga gindala pa sa Barotac Viejo District Hospital pero gindeklarar nga dead-on-arrival.
Suno kay PO3 Hizron Baderbonia sang Banate Police Station, nagapauli halin sa banwa si Peña sang posible wala na-control ang manibela sang motorsiklo gani nasalakay ang kudal nga kawayan sa kilid sang patyo.
Nagabot gid ang tatlo ka haligi sang kudal bangud sa impact sang pagbunggo.
Naka-inom si Peña suno kay PO3 Baderbonia kag madasig ang dalagan sang motorsiklo suno man sa pagpamangkot sang pulis sa mga nakakita. (JoMaque)