1 patay sa engkwentro sang mga soldado kag ginapatihan NPA members sa Igbaras

Igbaras, Iloilo–Isa patay sa kampo sang New People’s Army (NPA) sa engkwentro sa tunga nila sang Philippine Army pasado las-11 kaina sang aga, Nobyembre 12, sa Barangay Igcabugao.

Suno kay Lieutenant Colonel Sisenando Magbalot Jr., commanding officer sang 61st Infantry Batallion sang Philippine Army, lalaki ang napatay sa engkwentro. Na-recover suno sa iya ang wala pa nakilala nga bangkay sang ginapatihan NPA member sa clearing operation sa encounter site.

Gin-athag naman ni Magbalot nga wala sang napilasan sa mga tropa sang gobyerno.

Suno kay Magbalot, natabu ang engkwentro sang may nakit-an ang mga pumuluyo nga armado nga kalalakihan sang ginrespondehan sang mga soldado.

Siyam naman ang gin-custody sang mga soldado bangud nakita sa encounter site. Pangayuan sila sang paathag kon ngaa ara sa lugar kag kon mapamatud-an nga wala man sang kahilabtanan sa engkwentro, iturn-over na sa ila pamilya. (AGB)