Alimodian police, nanindugan nga lehitimo ang surveillance operation sang pulis kag wala sang personal nga interest kontra sa barangay kagawad nga natiruhan patay sa hot pursuit operation

Iloilo — Nanindugan ang hepe sang Alimodian Police Station nga lehitimo ang surveillance operation sang iya pulis sa barangay kagawad nga natiruhan patay sa hot pursuit operation sang Nobyembre 9.

Ini ang paathag ni Inspector Danilo Noca kasunod sang reklamo sang mga pumuluyo kay barangay kagawad Ritchel Misare sang Piandaan Norte, Alimodian.

Suno kay Noca, wala sang pabor sa personal nga interest sang ginpahayag anay karelasyon ni Misare nga si alyas Grace ang ginhimo nga operation.

Nagmandu sang surveillance operation si Noca kay PO3 Jonathan Guzman sa una nga tion agud makakuha sang ebidensya para sa search warrant angut sa ginpahayag illegal nga pagpanag-iya sang pusil ni Misare.

Napatay si Misare sang ginpahayag nagbatu sa pulis sa hot pursuit. Si Misare ang gintudlo nagluthang kay PO3 Guzman. (JoMaque)