5 ka tuig nga bata nga may polio, patay sa sunog sa Lambunao

Iloilo — Nasunog ang lima ka tuig nga bata nga babaye sa Barangay Gines, Lambunao kahapon sang aga, Nobyembre 12.

Suno kay Fire Officer 1 Keith Mar Lastimoso sang BFP Lambunao, human sa light materials ang balay ni Enriqueta Alogon gani madasig nga ginlamon sang kalayo. Naga-isahanon si Reza sa balay bangud may sakit nga polio kag indi makahulag sang maayo.

Nagdul-ong naman ang iya iloy sang iya mga utod nga naga-eskwela kag nagdiretso sa iya gina-obrahan sa Janiuay. Nakita man sang lola ang sunog kag dali-dali nga ginkadtuan ang balay apang wala nahingagaw nga mapaguwa ang bata.

Gina-imbestigaran pa kon ano ang ginhalinan sang sunog samtang ginabanta sa P35,000 ang kahalitan. (JoMaque)