Babaye nga nagabusong, nag-inom sang hilo sa Capiz, na-ospital

Dumarao, Capiz – Under observation sa Western Visayas Medical Center ang babaye nga duha ka bulan nga nagabusong sang nag-inom sang hilo sa Dumarao, Capiz.

Suno kay Alyas Celso, nagsunggod ang iya live-in partner nga si Alyas Joy, 37-anyos bangud nag-inom siya sang beer kaina sang aga, Nobyembre 12.

Ginpunggan siya ni Joy nga mag-inom apang wala ini nagpamati. Natulogan siya sang nagpauli sa ila balay.

Apang sang iya nga pagbugtaw, nakibot na lang siya nga lipong na si Joy.

Ginapatihan herbecide nga hilo ang gin-inom sang babayi. (JoMaque)