ArchivesLokal

Bangkay nga nasapwan kasunod sang engkwentro sang mga soldado kag NPA sa Igcabugao, Igbaras, gin-identify sang NPA nga ila kaupod

Igbaras, Iloilo–Gin-identify sang Napoleon Tumagtang Command sang NPA-Southern Panay, ang lalaki nga napatay sa ila engkuwentro sa mga katapo sang Philippine Army sa Sitio Butuan, Barangay Igcabugao, Igbaras kahapon, Nobyembre 12.

Sa ila Facebook page, gin-identify sang grupo ang napatay kay Casamiro “Ka Boy” Talaman sang Brgy. Buloc, Tubungan.

Si Talaman ang nakita sa clearing operation sa encounter site. Na-recover sa bangkay ang backpack, improvised explosive device kag bandolier sang 5.56mm.

Sa ila statement, gin-ako sang grupo ang pag-raid sa patrol base sang 61st Infantry Battalion kag 33rd Division Reconnaissance Company sang Philippine Army sa Igcabugao, Igbaras.

Gin-claim man sang grupo nga may apat ka casualties sa grupo sang Philippine Army. (AGB/ATT)

Leave a Reply