ArchivesLokal

Pasahero nga lalaki nga nasapwan sa Ceres bus, nakilala na

Iloilo–Nakilala na ang pasahero nga lalaki sang Ceres bus nga natalupangdan nga wala nagahulag kag gindeklarar nga napatay sang gindala sa ospital.

Suno kay Mr. Moises Flores, admin officer sang Vallacar Transit, ginkilala ang pasahero kag Jose Panzo, 47 sang Barangay Malayu-an, Ajuy.

Sa pagpangusisa ni Flores, nagsakay halin sa ila terminal sa Jaro si Panzo. Pag-abot sa terminal sa Banate, may vendor nga nagmuno sa konduktor nga daw wala na nagahulag ang lalaki gani ila gindiretso sa Barotac Viejo District Hospital apang gindeklarar nga napatay.

Wala pa nahibaluan kon ano ang rason sa kamatayon ni Panzo.

Ginconfirmar naman ni Malayu-an Punong Barangay Noel Detosil nga napahibalo na ang pamilya kag nakadtuan na sa punerarya ang bangkay ni Panzo. (AGB/KJT)

Leave a Reply