PECO, pwede pa makadangup sa korte kag mangayo sang judicial relief samtang wala pa mag-expire ang ila franchise suno sa Ilonggo nga abogado

Iloilo City–Mahimo nga makadangup sa korte kag maghingyo sang judicial relief ang Panay Electric Company (PECO) angut sa ila application sa renewal for franchise sa kongreso.

Ini kon maathag nga may grave abuse of discretion ang Kamara sa indi sini pag-akto ukon pagpabuyan-buyan sa application sang PECO.

Base sa legal point of view ni Atty. Eldrid Antiquiera, posible nga maka-file ang PECO sang preliminary mandatory injunction agud manduan ang kongreso nga i-deliberate ang application para sa renewal for franchise sang PECO.

Gin-athag ni Antiquiera nga puwede maka-avail ang PECO sang judicial relief bangud manug-lapse ang ila frangkisa.

Dapat suno sa iya nga mag-file na ang PECO sang injunction samtang may legal personality pa ini bilang public utility bangud sang naga-egsister nga franchise.

Makabig naman nga illegal ang operation sang PECO kon sigehon sini ang pag-distribute sang elektrisidad pagkatapos nga mag-expire na ang ila franchise sa Enero 2019. (AGB)