Plano nga contingency plan ni Councilor R Leone Gerochi sa pag-expire sang franchise sang PECO, ginakabig nga padayaw ni Councilor Plaridel Nava

Iloilo City — Ginakabig nga pagpadayaw ang plano nga contingency plan ni Councilor R. Leoni Gerochi sa pag-expire sang franchise sang Panay Electric Company ukon PECO.

Suno kay Councilor Plaridel Nava, chairman sang Commitee on Public Utilities, nagapakita lang ini nga wala sang salig sa gobyerno si Gerochi.  Ginpasalig ni Nava nga wala sang dapat nga kahangaw-an ang mga pumuluyo.

Ang poder suno sa iya sa paghimo sang aksyon nahangungod sa power distribution ang yara na sa Department of Energy (DOE), Energy Regulatory Commission (ERC) kag National Electrification Administration (NEA).

Nagpahayag pa si Nava nga kon paagyon sa konseho ang plano ni Gerochi, indi makapasar sa iya komitiba.

Una na ginpabutyag ni Gerochi nga may gina-formulate siya nga mga solusyon pananglitan matabu ang power disruption sa syudad sa tion nga mag-expire ang franchise sang PECO.  (JoMaque)