2 pilason sa drug buy bust operation sang RDEU sa Mandurriao

Iloilo City– Duha ang pilason sa drug buy bust operation matapos ginpahayag nagbatu sa pulis sa Barangay Tabucan, Mandurriao alas 1:50 kaina sang kaagahon (Nobyembre 14).

Napilasan sa tuo nga parte sang iya likod ang subject nga si Jessie Fama sang Barangay Sambag, Jaro samtang may pilas naman sa guya ang kaupod ni Fama nga si Daniel Balmes sang Zarraga.

Suno kay Senior Inspector Kennith Bermejo, team leader sang Regional Drug Enforcement Unit (RDEU), nagbatu si Fama sang gindeklarar sang poseur-buyer nga arestado siya samtang sakay sa Starex.

Nakapalupok sang pusil si Fama kabangdanan nagbalos ang mga pulis.

Lakip sa recoveries ang .45 caliber pistol, isa ka sachet sang laya nga dahon marijuana kag P1,200 nga buy bust money. (JoMaque)