Pagluto kag pag-inom sa sulod sang Iloilo central Market, ginadilian base sa ordinansa – LEEO Head

Iloilo City – Ginadilian ang pagluto kag pag-inom sa sulod sang Iloilo Central Market bangud madugay na nga may ordinansa tuhoy diri ang siyudad.

Gin-aku ni Local Economic and Enterprise Office (LEEO) Head Ariel Castañeda nga ginapasugtan lang nila ang pagluto sa sulod sang merkado bisan may ginapatuman nga ordinansa sa siyudad.

Kon madayon ang redevelopment sang merkado ilabe na sa Central Market, i-regulate ang pagluto suno kay Castañeda bangud posible nga madamo nga mga vendors ang maapektuhan.

Ginpasiguro ni Castañeda nga ginapangitaan nila sang remedyo kag ginakuha man ang sentimento sang mga vendors paagi sa ginahimo nga consultative meetings.

Nagpasalig man ang LEEO head nga iplastar nila sa mga vendors ang plano agud mahangpan ang tuyo sang siyudad.

Una nga nagpabutyag sang kahangawa ang pila ka transient vendors nga indi na pagpasugtan ang pagluto kag pag-inom kon mapaidalom na sa redevelopment ang merkado. (JoMaque)