Iloilo City — Iloilo Provincial Capitol – Nakibot ang pila ka miembro sang Sangguniang Panlalawigan matapos ginduso ni 3rd District Board Member Manny Gallar nga bakantehan ang tanan nga committee chairmanship sa session kahapon, Nobyembre 13.

Sa boto nga 9-3, na-aprubahan ang ginduso ni Gallar.

Suno kay Gallar, na-istoryahan nila sa mayorya ang revamp bangud may mga board members nga luyag magsaylo sa iban nga komitiba.

Ma-submit ang majority sang listahan kon sin-o ang maga-uyat sang mga komitiba pero posible suno kay Gallar nga may mga board members nga magapabilin sa ila gina-uyatan nga komitiba. (JoMaque)