Ex-convict, patay sang gintiro sang riding-in-tandem

Ajuy, Iloilo – Patay ang ex-convict sang gintiro sang riding-in-tandem sa Barangay Tipacla, Ajuy kaina sang aga, Nobyembre 14.

Ginkilala ang biktima kay Eduardo dela Torre, 57 sang Barangay Adcadarao, Ajuy.

Suno kay PO3 Randy Flores, imbestigador sang Ajuy MPS, nagasakay sa motorsiklo si Dela Torre sang gintiro sang riding-in-tandem. Naigo siya sa likod kag sang natumba, ginpalapitan pa sang gunman kag gintiro nga naigo sa dulunggan.

Gindala si Dela Torre sa Ajuy Rural Health Unit apang gindeklarar ni Dr. Sarrie Masongsong nga dead-on-arrival.

Nagalaum naman ang bata ni Dela Torre nga mahatagan sang hustisya ang natabu sa iya amay.

Gin-ako ni Edjie nga napreso ang iya amay matapos natiruhan ang iya abyan 20 ka tuig na ang nakaligad pero indi magpati nga pagtimalus ang motibo sa krimen. (JoMaque)