Nag-AWOL nga pulis nga ginpahayag puwersa nga nagkuha sa mag-iloy sa Estancia sang Nobyembre 9, napasakaan na sang kaso

Iloilo City — Ginpasakaan na sang kaso ang AWOL nga pulis nga ginreklamo nag-kidnap sa mag-iloy halin sa Estancia.

Ginconfirmar ni Chief Inspector Raymond Celoso halin sa Iloilo Police Provincial Office nga kaso nga kidnapping kag serious illegal detention ang gin-file kay PO3 Abmel Bangalisa, 38 sang Poblacion, Carles. Gin-file ang kaso sa Provincial Prosecutor’s Office kagab-i matapos nga nakuhaan sang affidavit si alyas Cherry, 31 sang Estancia.

Sa pagpangusisa sang taga-Women and Children’s Protection Desk suno kay Celoso, ginpunggan ni Bangalisa nga magpauli si Cherry kag iya pito ka tuig nga bata nga babaye kag ginpahug. Sa pag-obserbar naman ni Celoso, kilalahay sanday Bangalisan kag Cherry.

Ginreklamo ni Cherry nga papwersa siya kag iya bata nga gindala ni Bangalisa sang Nobyembre 9 sang gab-i kag sang Nobyembre 13, nakatiempo siya nga nakapadala sang text message sa iya utod kag nagpangayo sang bulig.

Suno kay Celoso, ginpanginwala ni Bangalisa nga ginpilit ang mag-iloy nga mag-upod sa iya. Iya man ginpahayag nga plano lang nila magbakasyon sa Palawan kag mabalik man sa Nobyembre 16. (JoMaque)