ArchivesLokal

Komposisyon sang mga bag-o nga committee chairmanships sa Sanggguniang Panlalawigan, ipresentar ni BM Manny Gallar sa masunod nga semana

Iloilo City — Ipresentar ni Board Member Manny Gallar sa regular session sang Sangguniang Panlalawigan sa masunod nga semana ang komposisyon sang mga bag-o nga committee chairmanships.

Nagbalibad pa si Gallar nga isugid kon sin-o nga mga board members ang may yara sang bag-o nga komitiba.

Pero nadesisyunan na suno sa iya sang mayoriya kon sin-o ang maga-uyat sang mga dalagku nga komitiba pareho sang Committee on Appropriations kag Committee on Rules.

Wala naman ginkumpirmar ni Gallar ang naguwa nga impormasyon nga si Board Member Domingo Oso ang maga-uyat sang Committee on Appropriations ukon Committee on Rules.

May pila man ka board members suno sa iya nga nag-retain sang ila committee chairmanships.

Ginpanghiwala naman ni Gallar nga may daku nga tawo sa likod sang reorganization sa Sangguniang Panlalawigan.

Gin-athag niya nga consensus sang majority ang ginduso niya nga reorganization kag normal lang ini nga nagakatabu sa SP. (JoMaque)

Leave a Reply