Bana, ginpapreso sang iya asawa bangud sang masami nga pagsakit kag pagpahog sa iya

Leganes, Iloilo — Ginpa-prisu sang asawa ang iya bana bangud masami siya nga ginasakit kag ginapahog sa Leganes kagab-i, Nobyembre 18.

Suno kay Senior Inspector Dadjie Delima, hepe sang Leganes Municipal Police Station, nagtuad ang asawa nga si Alyas Nene, indi na siya maka-agwanta sa iya bana ilabe na kon mahubog.

Masami siya suno sa iya nga ginasakit kag ginapakitaan sang pusil ni Alyas Bry. Nagapalupok man suno sa asawa si Bry kon mahubog.

Sang gindakop si Bry, nakuha sa iya ang .22 caliber revolver kag mga bala sang mga police.

Desidido nga mag-file sang kaso ang asawa sa iya bana. Preso na ini sa Leganes police station. (JoMaque)