Construction worker, patay na sang nasapwan sa Lapuz

Iloilo City — Patay na sang nasapwan ang construction worker sang iya kaupod sa trabaho sa ila ginadayunan sa Barangay Sinikway, Lapuz kahapon, Nobyembre 18

Ginkilala ang napatay kay Joe Atiga, 29 anyos sang Binangonan, Rizal nga nagatrabaho sa Paramount Construction.

Suno kay Arniel Delgado, 32 anyos, ginpukaw niya si Atiga apang wala na ini nagahulag kag naga-ginhawa.

Gindala nila sa West Visayas State University Medical Center ang kaupod apang gindeklarar nga dead on arrival sang doktor. Wala sang pilas ukon hanog sa lawas ang lalaki.  I-autopsy ini agud mahibaluan ang gintunaan sang iya kamatayon.  (JoMaque)