Landlord sa Jaro nga ginpahayag gintonto sang duha ka agi, nagreklamo

Iloilo City — Nagpa-blotter sa Jaro Police Station ang land lord sang ginpahayag gintunto sang duha ka agi nga nagpakilala halin sa Bacolod City.

Suno kay Gil Tabares sang Ungka, Jaro, nagapangita sang boarding house ang duha ka agi bangud suno sa ila may manugbukas sila nga beauty product diri sa Iloilo.

Nagpahayag ang duha suno kay Tabares nga ma-down sila sang P15,000 kag ipadala ini sang ila amo. Base sa ila ginkasugtan, P12,000  lang ang i-down sa boarding house.

Nag-ayu suno kay Tabares ang duha kon mahimo kuhaon nila ang sobra nga P3,000 agud ibakal sang gamit, bisan wala pa napadala ang kwarta nga ginpasugtan man sang tagreklamo.

Nakabaton sang confirmation message halin sa Cebuana Lhuillier si Tabares nga may ginpadala na nga kwarta sa iya. Sang gin-claim niya, nagaguwa nga 100 pesos lang ang ginpadala sang sender. Wala na suno sa iya nakabalik ang duha. (JoMaque)