Management sang Western Visayas Medical Center, ginreklamo matapos ginluksuhan sang kuring ang mag-iloy nga confine sa ospital

Iloilo City–Nagreklamo si alyas Daryl, 34 sang Montinola, Jaro, matapos ginluksuhan sang kuring ang iya mag-iloy nga confine sa Western Visayas Medical Center.

Suno kay Daryl, nagbata ang iya live-in partner mga alas-9:30 sang gab-i sang Nobyembre 17. Apang samtang ara sa ward, gulpi may naglumpat nga kuring halin sa guba nga bintana rason nga nakarusan ang live-in partner kag ang lapsag.

Ginpahayag ni Daryl nga nagreklamo siya sa staff sang ospital pero ginhambalan siya nga wala na sila sang mahimo.

Nagpangayo naman si Atty. Cynthia Ng, legal officer sang WVMC, sang tubtob Nobyembre 23 agud makahatag sang komento. Sa subong suno kay Ng, nagahimo sila sang imbestigasyon kon san-o pa naguba ang bintana kag kon ngaa wala sang screen. (AGB)