ArchivesLokal

Panay Electric Company, pwede mahatagan sang provisional permit to operate kon mag-expire ang ila franchise sa Enero 2019 suno kay Senator Grace Poe

Iloilo City–Hatagan sang provisional permit to operate ang Panay Electric Company (PECO) sa tion nga mag-expire ang ila franchise sa Enero 19, 2019.

Suno kay Senator Grace Poe, chairman sang Senate Committee on Public Services, ang nasambit nga provisional permit ihatag sang concerned agencies pareho sang Department of Energy ukon Energy Regulatory Commission agud maka-operate ang PECO sa sulod sang isa ka tuig ukon masobra pa kun kinahanglan sa kooperasyon man sang MORE Electric and Power Corporation.

Ini bilang kabahin suno sa iya sang transition period sa tunga sang PECO kag MORE.

Una na ginpabutyag sang isa sa mga abogado nga PECO nga si Atty. Inocencio Ferrer nga mauntat sila sang serbisyo kon mag-expire ang ila franchise.

Ginpahayag naman ni Poe nga ginkonsulta niya ang nagkalain-lain nga ahensya sang gobierno agud masiguro ang matawhay nga transition.

Bayaran gihapon suno sa iya ang PECO para sa paggamit sang ila assets kag serbisyo kag pasugtan man sini ang MORE nga magtake-over sang pila ka pasilidad.

Ginpasalig naman ni Poe sa mga konsumidor nga wala sang matabu nga power disruption kon mag-expire na ang franchise sang PECO. (AGB)

Leave a Reply