Lalaki, patay matapos ginbuno samtang nagapakighilawas kaupod ang nobya; Suspek, nagrason nga nabatian niya nga nagapangayo sang bulig ang babayi

Negros Occidental – Patay si Alyas Jay, 37 anyos, bangud sa pilas sa likod lapus sa tiyan matapos ginbuno sa Cauayan, Negros Occidental.

Suno kay P/Chief Inspector James Latayon, hepe sang Cauayan Police Station, ginkilala ang suspect kay Alyas Dante, 49 anyos. Natabu suno kay Latayon ang krimen samtang nagapakighilawas si Jay kag nobya nga si Alyas Rose, 37 sa balay sang babayi.

Sang ginpamangkot sang mga pulis ang suspect, nagpahayag ini nga nabatian niya nga nagapangayu sang bulig si Rose.

Nagresponder siya suno sa iya kag ginbuno si Jay. Wala naman napilasan si Alyas Rose. Si Dante ang tupad balay sang babayi.

Preso si Dante kag natalana nga pasakaan sang kaso nga murder. (JoMaque)