Pagdamo sang kaso sang HIV sa syudad, ginka-alarma sang City Council

Iloilo City–Ginka-alarma sang City Council ang nagadamo nga kaso sang Human Immuno-Deficiency Virus ukon HIV sa syudad.

Nag-privilege speech si Councilor Joshua Alim kag ginhambal nga dapat may himuon ang city government.

Ginsuhestyon ni Alim nga ipatawag ang Family Planning Organization of the Philippines agud maka-a-athag kun ngaa nagadamo ang HIV cases kag kun ano ang posible mabulig sang syudad.

Plano nga magdiskusyon ang mga konsehal sa Nobyembre 27 kaupod ang FPOP.

Base sa data sang Department of Health, halin Enero tubtob Agosto subong nga tuig, nagalab-ut sa 20 ang na-record nga HIV cases sa syudad. (AGB/JV)