Trisikad driver, dakup sa buy bust operation sa Lapuz; Subject, nag-aku nga naga-baligya sang illegal drugs sa mga commercial sex worker sa City Proper

Lapuz, Iloilo City – Dakup sa buy bust operation ang trisikad driver sa Barangay Jalandoni Estate, Lapuz, subong nga gab-i, Nobyembre 19.

Walo ka sachets sang suspected shabu kag P1,100 nga buy bust money ang na-recover kay Reymond Delos Reyes, 31-anyos, residente sang amu nga lugar.

Gin-aku ni Delos Reyes nga nagabaligya siya sang illegal drugs sa mga commercial sex workers sa City Proper.

Suno sa iya gintestingan lang niya nga magbaligya sang illegal drugs agud mahibaluan kon daku ang ganansiya. Ginbuyagyag man ni Delos Reyes nga nagakuha siya sang suplay sang illegal drugs sa Bacolod City.

Nagtuad man ini nga kaagi na siya prisu bangud sa kaso nga robbery.

Base sa record sang Lapaz police, newly identified drug personality si Delos Reyes. (JoMaque)