Campaign materials sa mga barangay hall, sakup sang ordinansa sang syudad nga naga-regulate sang mga streamers kag billboards suno kay Councilor Plaridel Nava
Iloilo City–Sakop sang Regulation Ordinance 2013-330 “An Ordinance Regulating the Streamers and Billboards in the City of Iloilo” ang mga campaign materials sa barangay halls.
Ini ang ginpa-athag ni Councilor Plaridel Nava, author sang amo nga ordinansa nga wala suno sa iya na-implementar halin sang napasar sang 2013.
Maathag suno kay Nava nga nabutang sa ordinansa nga ginadumili ang anuman nga promotional ukon campaign materials sa mga pampubliko nga lugar lakip ang barangay halls ilabe na kun wala sang approval sang mayor.
Pahayag ini ni Nava sa statement ni Mayor Joe Espinosa nga ipakakas niya ang mga campaign materials sa mga barangay halls.
Nalipay si Nava nga matapos lima ka tuig nga nagtulog, mapatuman na gid man ang ordinansa.
Pero indi suno sa iya dapat mangin selective ang alkalde kag mga campaign materials lang sang mga kontra niya ang ipakakas niya.
Dapat suno kay Nava pati billboards tutukan man ni Espinosa.
Daku ini suno sa iya nga panghangkat kay Espinosa bangud tuman ka damo sang mga billboards sang mga national figures sa kabarangayan. (AGB/MO)