Franchise application sang MORE Electric and Power Corporation, yara na sa third and final reading sa senado –Councilor Joshua Alim

Iloilo City – Yara na sa third and final reading sang Senado ang franchise application sang MORE Electric and Power Corporation bilang masunod nga power distributor sa Iloilo City.

Ini ang pahayag ni Councilor Joshua Alim matapos ginpahibalo nga nakalusot na sa second reading ang franchise application sang MORE.

Kumpyansa si Alim nga makalusot sa third and final reading ang franchise application bangud wala man sang may nag-object nga senador sa second reading. Kon makalusot sa final reading, masapol ang Bicameral committee agud mahitsu ang mga probisyon sang prangkisa.

Base sa draft committee report ni Senate Committee on Public Services Chair Senator Grace Poe, napulo ka senador ang nagboto pabor sa franchise application sang MORE, samtang nag-abstain naman si Sen. Franklin Drilon.

Matapos talakayon sa Bicameral committee ang franchise application, pirmahan ini sang presidente kag mangin layi na ang prangkisa. Posible nga indi na madugayan ang pag-aprubar sa prangkisa sang MORE kon adoptaron sang Senado ang gin-aprubahan nga probisyon sang Kamara suno kay Alim.

Ginlaragway naman ni Alim nga patay na ang franchise application sang Panay Electric Company ukon PECO.

Pending gihapon sa Committee on Legislative Franchises sa Kamara ang franchise application sang PECO. (JoMaque)