Mga nagakandidato sa 2019 midterm elections, ginpahanumdom nga tubtob na lang buwas ang pagtadlong sang mga sala nga spelling sang pangalan sa template sang official ballots

Iloilo City— Ginpahanumdom ni Commission on Elections 6 Asssistant Regional Director Tomas Valera ang mga nagakandidato sa May, 2019 elections nga usisaun ang template sang mga official ballots para sa piniliay.

Suno kay Valera, importante nga mausisa sang mga kandidato kun husto ang spelling sang ila pangalan sa balota.

May yara lang tubtob buwas, Nobyembre 23, ang mga kandidato agud ma-correct nila kun may sala gid man sa spelling sang ila ngalan sa balota kag indi mabutang sa alang-alang ang ila mga boto.

Mahimo magbisita sa website sang Comelec,www.comelec.gov.ph, ukon magkadto sa mga Comelec officers suno kay Valera para malantaw sang mga kandidato ang template sang balota. (AGB/MO)