PSTMO head Jeck Conlu, naghingyo sang paghangup sa inconvenience sa trapiko bangud sa East Asian Seas Congress 2018
Iloilo City–Nagahingyo sang paghangup si Public Safety and Transportation Management Office (PSTMO) Head Jeck Conlu sa mga pumuluyo angut sa ma-eksperyensyahan nga diutay nga inconvenience sa trapiko sa syudad ilabe na sa Mandurriao bangud sang pagahiwaton nga isa ka semana nga East Asian Seas Congress 2018.
Ginpa-athag ni Conlu nga may maabot nga mga VIPs umpisa sa Lunes, Nobyembre 26, halin sa iban nga pungsod gani lauman ang hugot nga seguridad.
Ginpanugyan ni Conlu sa mga pumuluyo nga kun mahimo, likawan ang paglabay sa Mandurriao area ilabe na sa Smallville kag sa Iloilo Convention Center nga venue sang East Asian Seas Congress.
Nagalab-ot sa 900 ka mga participants ang matambong sa EAS Congress nga official nga magasugod sa Nobyembre 27 kag magatapos sa Nobyembre 30. (AGB/JGM)