Transition period sa pag take-over sang MORE sa PECO, indi dapat magsobra sa duha ka tuig base sa pirmado nga committee report ni Senator Grace Poe

Manila – Gin-submit na sa senado ang committee report ni Senator Grace Poe, chairperson sang Committee on Public Services, nahanungod sa paghatag sang prangkisa sa bag-o nga power distributor nga MORE.

Base sa Committee Report, sa sulod sang duha ka tuig pagkatapos aprubahan ang prangkisa, dapat ma-take-over na sang MORE ang PECO.

Samtang yara sa transition period, mahimo gihapon maka-operate ang PECO paagi sa ihatag Certificate of Public Convenience sang ERC.

Gina-require man ang PECO nga i-refund ang ginmando sang ERC nga ibalik sa mga konsumidor. (JoMaque)