2 ka estudyante, nakilatan samtang naga-practice sa Sta. Barbara Plaza na-ospital

Sta. Barbara, Iloilo–Naigo sang kilat ang duha ka Senior High School students sang New Lucena National High School samtang naga-practice para sa ila project sa MAPEH sa plaza sang Sta. Barbara, alas-tres kaina sang hapon.

Gindala sa Western Visayas Sanitarium sanday Arlene Joy Manimbayan, 19 anyos sang Bita-og Gaja, New Lucena, kag alyas Alyssa, 17 anyos sang Bilidan, New Lucena.

Suno kay PO3 Francis Guaro sang Sta. Barbara Police Station, samtang naga-practice, hinali lang nga nagpangilat kag nalipong si alyas Alyssa. Apang conscious na ang duha sang gindala sa ospital.

Wala sang pilas ang duha apang nagareklamo sang palanakit sang lawas kag pagbiring sang tiil kun maglakat. (AGB)