Bilyonaryo kag majority shareholder sang MORE Electric and Power Corporation, nagpaguwa sang official statement sa isyu batuk sa PECO

Iloilo City–Nagpaguwa sang official statement ang majority shareholder sang MORE Electric and Power Corporation nga ginalantaw mangin bag-o nga power distributor sa syudad sang Iloilo.

Gin-confirmar ni MORE spokesperson Jonathan Cabrera nga nagpaguwa sang statement ang bilyonaryo nga si Enrique Razon sa isyu may kaantanan sa Panay Electric Company. Ini ang labing una nga tiun suno kay Cabrera nga nagpaguwa sang statement si Razon.

Base sa statement nga na-post sa Facebook page sang MORE, ginpahayag ni Razon nga baliskad sila sa PECO kon kwalipikasyon ang hambalan bangud may track record sila sang madinalag-on nga start-ups kag dalagku nga proyekto indi lang sa Pilipinas kundi lakip sa iban nga pungsod.

Suno pa kay Razon, nagahulag ang PECO nga daw birth right nila ang franchise apang iya gintadlong nga pribilehiyo ini kag indi kinamatarung. (AGB)