Siyam ka pulis nga absent sa accounting ni ICPO Director Martin Defensor Jr, indi na pagkasuhan sang opisyal

Iloilo City–Indi na pagdayunon ni Iloilo City Police Office Director Senior Supt Martin Defensor Jr. ang pagpasaka sang kaso batuk sa siyam ka mga pulis nga absent sa iya accounting kag wala nakapresentar sang ila kaugalingon sa gintalana nga oras.

Suno kay Defensor, naluoy siya sa mga natungdan bangud kalabanan sa ila ang nagpauli sa Negros Occidental sang gin-conduct ang accounting bisan nga na-inform na.

Duha lang sa walo ka mga pulis nga nagpauli sa Negros Occidental ang gilayon nga nagpa-athag kay Defensor. Naka-sick leave naman ang isa pa ka pulis.

Una na gin-report nga 42 ka mga pulis sa Police Station 1, Jaro Police Station kag Lapaz Police Station ang absent sa accounting sang Nobyembre 20. (AGB)