Drug surrenderer sa Leganes, dakup sa buy bust operation

Leganes, Iloilo – Dakup ang drug surrenderer sa drug buy bust operation kaina sang hapon, Nobyembre 23.

Suno kay Senior Inspector Dadje Delima, hepe sang Leganes MPS, nabaklan si John Vincent Solinap, 25 sang Poblacion, Leganes, sang isa ka sachet sang suspected shabu sa balor nga isa ka libo ka pesos.

Ginpahayag ni Delima nga nagakuha sang supply si Solinap sa Bacolod City. Nakita suno kay Delima sa cellphone ni Solinap ang iya mga transaksyon.

Dugang sang hepe, ginakabig ang subject nga high value target level 1 drug personality. (JoMaque)