Punong barangay sang Rima Rizal sa City Proper, nag-ako nga may nagapang-recruit nga mag-rally pabor sa PECO

Iloilo City–Gin-ako ni Punong Barangay Richard Galvez sang Barangay Rima Rizal, City Proper nga may nagapang-recruit agud mag-upod sa rally pabor sa Panay Electric Ccompany sa Lunes, Nobyembre 26, kadungan sa presentation sang MORE Electric and Power Corporation sa City Council.

Pero wala sang ideya ang kapitan kon sin-o ang nagapang-recruit sa ila lugar.

Gin-ako mismo sang iya barangay secretary nga gin-recruit ini agud mag-rally para sa PECO apang nagbalibad magpanugid kon sin-o ang nagapang-recruit.

Gin-athag naman ni Galvez nga depende na sang mga pumuluyo kon maupod sila ukon indi sa rally.

Una na ginbuyagyag ni Councilor Joshua Alim nga base sa iya reliable source, may nagapang-recruit sa barangay kag ginapangayuan sang quota ang mga kapitan sang tag-20 ka tawo agud mag-upod sa rally pabor sa PECO. (AGB)