Tokhang surrenderer nga tricycle driver, gintiro patay sang riding-in-tandem sa City Proper; pagtiro sa biktima, malapit lang suno sa SOCO

Iloilo City–Gintiro sang riding-in-tandem ang tokhang surrenderer sa Barangay Rima Rizal, City Proper pasado las-nuebe kaina sang aga, Nobyembre 24.

Ginkilala ang biktima kay Nestor Piagola, 34-anyos sang Dela Rama Compound, Zamora-Melliza, City Proper. May ginbakal sa area ang biktima sang gintiro.

Ginkumpirmar naman sang mga himata ni Piagola nga nakaagi surrender sa tokhang ang biktima pero naka-graduate na sa rehabilitation program.

Isa sa ginalantaw nga motibo sang kapulisan ang kaangtanan sang biktima sa illegal nga druga.

Lima ka empty shells nga compatible sa kalibre 45 nga pusil ang na-recover sa crime scene suno kay PSUPT Hilarion Roga sang Scene of the Crime Operatives (SOCO). Base sa physical evidence, malapit lang ang pagtiro sa biktima suno kay Roga.

Suno naman kay PO3 Rizan Magoliño sang Police Station 1, lunsay naka-jacket nga itom kag naka-helmet ang riding-in-tandem. (AGB)