Bangud sa babaye, construction worker, nabun-an sang iya pakaisa; Suspek kag biktima, may isa lang ka nobya

Lapaz, Iloilo City — Pilason ang construction worker sang nabun-an sang iya pakaisa sa ila gina-ubrahan sa Prime Estate Subdivision, Barangay Nabitasan, Lapaz sang Nobyembre 24 sang gab-i.

Ginkilala ang biktima kay Mark Anthony Barrientos, 29-anyos sang Tagudtud North, Bugasong, Antique samtang suspek ang iya pakaisa nga si Glenn Labyao, 28 nga residente man sang amu nga lugar.

Base sa imbestigasyon sang Lapaz Police, nagapangimon si Labyao bangud natukiban niya nga pareho lang ang ila nobya ni Barrientos.

Yara na sa mga pulis ang kutsilyo nga ginabanta nagalaba sang walo ka pulgada nga gingamit sa krimen.

Padayon naman ang hot pursuit operation sang mga otoridad kay Labyao bangud nagpalagyo matapos ang insidente. (JoMaque)