Liga ng mga Brgy. Pres. Irene Ong, ginkakibot ang pagkadakup kay Brgy. Kagawad Gemma Calzado sa buy bust operation

Molo, Iloilo City (UPDATE) — Ginkakibot ni Liga ng mga Barangay President kag Ex-Officio Councilor Irene Ong ang pagkadakop kay anay Kasing-Kasing, Molo Punong Barangay kag subong barangay kagawad Gemma Calzado sa buy bust operation kaina sang aga, Nobyembre 25.

Sa pagkamatuod suno kay Ong, nahibaluan niya nga nalakip sa narcolist ni Presidente Rodrigo Duterte ang pangalan ni Calzado pero wala siya sang hinalung-ong nga naga-engage ini sa pagbaligya sang illegal nga droga.

Daw maluoy man si Ong kay Calzado apang ginpanindugan niya nga indi magpasilabot ang liga ng mga barangay sa kaso sang anay kapitan.

Nagpanawagan si Ong sa mga barangay officials sa syudad nga naga-engage sa pagbaligya sang illegal nga droga nga untatan na ang amo nga bisyo para indi magpareho kay Barangay Kagawad Calzado. (JoMaque)